Connect to Us LinkedIn Youtube RSS

15-2011 - Reaccion di KvK na WEB Aruba NV
  • PDF
  • Print
  • Email

Oranjestad – Camara di Comercio y Industria Aruba (KvK) a tuma nota di un publicacion di WEB Aruba NV den cual ta expresa cierto critica riba un entrevista den un matutino local cu presidente di KvK, sr. Jamal Mahawat Khan en cuanto e sesion di Dialogo Social di dia 4 di juli ultimo.
Sr. Mahawat Khan a referi den e entrevista na dos aspecto importante cu a bin dilanti den e reunion di Dialogo Social, esta e asunto di brandstofclausule y e asunto di ganashi di e empresanan estatal manera WEB y Elmar. Pa loque ta e brandstofclausule por bisa cu a bin sali na cla cu mientras cu WEB cada bez a sali for di otro punto di vista, e brandstofclausule tabata y ta ser usa pa otro gasto di compania cu no ta combustible. KvK a vocifera e opinion cu den su concepto pa hopi aña henter Aruba a ser desinforma door di WEB.

Tambe a toca e tema di e dividendo di e companianan estatal mirando e punto di vista di gobierno al respecto, caminda gobierno no ta mira e necesidad di un ganashi excesivo cu despues ta bay pa gobierno back den forma di dividendo. Claro cu si mester garantiza e ganashi suficiente pa por haci tur inversion necesario pa mantene e companianan competitivo y saludabel y carga tur gasto. KvK ta apoya e punto di vista ey completamente, y esey ta loke a ser treci dilanti den e entrevista cu e corant menciona.
Como conclusion general por bisa lo siguiente:

  1. Nos ta biba den un estado di derecho liber y WEB tin derecho di tin su opinion. KvK di su banda no ta mira un necesidad pa critica KvK pa no a busca e informacion al caso; e informacion necesario pa yega na loke a comenta tabata presente;
  2. Ta di aplaudi cu por mira cu awor tanto WEB como Elmar ta haciendo mayor esfuerzo pa brinda mas transparencia tocante nan operacion como empresa estatal. Como empresa di propiedad publico esaki ta e actitud corecto cu mester tin pa cu publico en general.
  3. KvK ta dispuesto na cualquier momento di sinta na mesa cu WEB pa clarifica algun malentendido cu por tin ainda den e asunto aki.


Aruba, 15 di juli 2011
Camara di Comercio y Industria (KvK)

 

 

By orbitalnets.com