Connect to Us LinkedIn Youtube RSS

02-2015 - Expansion di bo negoshi ta start na Business Plaza - Step Forward!
  • PDF
  • Print
  • Email
Oranjestad, 8 di januari 2015 –  E forma pa haya exito den cualkier negoshi ta door di bon preparacion y organisacion. Y si expansion di bo negoshi ta na horizonte den 2015, e ora bo no por falta Business Plaza – Step Forward! Camara di Comercio y Industria Aruba (KvK) ta presenta e di tres edicion di Business Plaza – Step Forward! ariba diasabra, 17 di januari, 2015, na Camara di Comercio, cuminsando for di 9’or di mainta. Entrada ta gratis.
 
Elmar ta sponsor di Business Plaza
E aña aki, Elmar NV ta sponsor di e evento aki, cu lo ofrece un programa completo, unda e empresario lo recibi informacion valioso tocante varios aspecto cu ta trata maneho, structura y expansion di su negoshi. Ademas Elmar lo duna un presentacion tocante business solutions cu e ta ofrece. 
 
E programa ta ser inaugura pa presidente di KvK y lo consisti atrobe di presentacion di expertonan riba tur tereno relevante, manera importancia di conoce ley di ketenaansprakelijkheid (Hernandez Angela Accounting & Tax Consultants), bon maneho ta bon negoshi (KPMG) y informacion tocante negoshi di franquicia (EQ3). Idioma di e presentacionnan ta papiamento.
 
E aña aki atrobe, KvK ta opta pa duna presentacion mainta y workshops atardi, dunando tur participante e oportunidad pa atende workshops sin perde e presentacionnan. KvK su meta ta keda pa duna e empresario e empuhe den direccion correcto pa expande y engrandece su negoshi.
 
Programa
E presentacionnan ta cuminsa 9:00 di mainta den  auditorio di KvK. Atardi lo tin dos workshop extensivo, cuminsando di 1:00 pa 4:00 pm. E prome workshop ta “Innovation to grow” di Rishi Ramsoondar, business coach, e idioma lo ta ingles. E segundo workshop lo trata e tema di obligacion di deposita registro di accionista y cuenta anual, cu lo ser duna pa e director di KvK, Sr. Leo Maduro. E workshop aki lo dura un ora, y lo ser duna cada vez na otro idioma, na papiamento, ingles y spaño. Check www.arubachamber.com pa e programa detaya. Tene cuenta cu cupo ta limita, y KvK ta pidi interesadonan pa registra na tempo!
 
Challenge bo forma di pensa pa asina crea idea y strategia nobo cu ta funciona. Business Plaza ta e lugar ideal pa network cu otro empresario tocante “best practices” y otro recomendacion pa haya ideanan nobo y refrescante. 
 
Representantenan di KvK, Departamento di Asunto Economico y Free Zone Aruba lo tey presente pa conseha y comparti informacion con pa tuma e paso pa expande y mehora bo negoshi.
 
Admision ta gratis
Admision pa Business Plaza ta gratis, y ta inclui snacks y bebida. Registracion adelanta ta necesario y facil. Tuma contacto cu KvK na 582.1566, ext. 30/27/42 of mail nos na This e-mail address is being protected from spambots. You need JavaScript enabled to view it
 
Pa mas informacion, like nos facebook page www.facebook.com/arubachamber of consulta nos website, www.arubachamber.com pa e programa di presentacion y workshops y tur otro desaroyo tocante Business Plaza. No perde e oportunidad aki!
 
 
Aruba, 8 januari, 2015
Camara di Comercio y Industria (KvK)
 
 

By orbitalnets.com