Connect to Us LinkedIn Youtube RSS

14-2013-Eleccion pa directiva KvK
  • PDF
  • Print
  • Email

Oranjestad - Diamars 10 di december venidero entre 9:00 or di mainta y 12:00 or di merdia lo tin eleccion anual pa reemplaza parti di directiva di Camara di Comercio y Industria (KvK), manera stipula den e “Kiesverordening KvK” (Ordenanza di Eleccion di Camara di Comercio). E eleccion ta tuma lugar na oficina di KvK, J.E. Irausquin Boulevard 10, den e Auditorio (segundo piso).

E aña aki lo tin tres puesto vacante, segun regla legal, di e total di nuebe puesto den e directiva. Uno di e puestonan aki ta pa “Grootbedrijf’ (companianan cu un capital inverti di Afl. 100.000 of mas) y dos pa “Kleinbedrijf” (companianan cu un capital inverti bao di Afl. 100.000).
E candidatonan pa e puesto di Grootbedrijf ta: Daphne R.Y. Aguis Cesareo-Lejuez, Julisa N. Arends-Hoevertsz y Omar F. Tromp.
E candidatonan pa e dos puestonan di Kleinbedrijf ta: Julisa N. Arends-Hoevertsz, Omar F. Tromp, Mohamed J. Mahawat Khan y Daphne R.Y. Aguis Cesareo-Lejuez.

Esnan cu derecho di voto (director, gerente, propietario, apoderado, etc. registra na Registro Comercial) lo haya den e dianan aki nan convocacion (oproepingskaart) via post.

Importante
Tur votador mester percura pa trese cune e siguiente documentonan:
- e convocacion na su nomber;
- un ID valido, sea pasaporte, cedula di identidad o rijbewijs.
Den caso cu un persona cu derecho di voto no a haya su convocacion na su domicilio, e por presenta na KvK cu un ID valido, y despues di comproba su identidad y derecho di voto, lo permiti e persona vota. Tuma bon nota cu ley di eleccion di Kvk no ta permiti votacion via volmacht; e persona mes mester eherce su derecho di voto.

Votacion
Ta importante tuma bon nota di e procedimento di votacion:
Pa Grootbedrijf tin tres candidato pa un puesto; esaki significa cu por marca solamente un nomber di e tres candidatonan eligible.
Pa Kleinbedrijf tin dos puesto; esaki significa cu por marca dos nomber maximamente di e cuatro candidatonan eligible.
Votador pa Kleinbedrijf ta vota solamente pa Kleinbedrijf y votador pa Grootbedrijf ta vota solamente pa Grootbedrijf. Por consulta e lista di votador pa Grootbedrijf y Kleinbedrijf riba nos website www.arubachamber.com/voterslist.htm


Pa mas informacion tocante e candidatonan, ley di eleccion y otro tema di interes tocante eleccion di KvK, consulta nos website: www.arubachamber.com.
Si ainda tin algun pregunta, por tuma contacto cu KvK, sea via e-mail: This e-mail address is being protected from spambots. You need JavaScript enabled to view it , via telefon 582-1120 ext. 29/41 of fax 588-3200.


Camara di Comercio y Industria Aruba
Aruba, 22 di november 2013

 

By orbitalnets.com