Connect to Us LinkedIn Youtube RSS

42-2018 - KvK, Gobierno y Universidad a tene presentacion encuanto Business Incubation
  • PDF
  • Print
  • Email
Oranjestad – Dialuna 19 di november ultimo Camara di Comercio y Industria (KvK) a tene un re cu diferente stakeholders invita di sector priva y sector publico unda a duna un presentacion encuanto Business Incubation. Intencion di e presentacion ta pa splica e importancia di e concepto Aruba como un Business Incubation Island y con Aruba por crea pilarnan economico nobo y beneficia di esaki.
 
Kico ta Business Incubation?
Un Business Incubation ta yuda negoshinan chikito y start-ups spaar riba gastonan, ta ofrece nan coaching, crea networks y yuda nan pa bira exitoso y pa nan por sigui crece. Participantenan den un Business Incubation ta comparti facilidadnan y asina ta baha gasto manera awa, coriente, printers y otro articulonan of servicio di un oficina. Companianan por haya e guia necesario pa por sigui crece y keda un negoshi sostenibel. Via Business Incubation ta fomenta mas colaboracion y facilidadnan pa yuda un negoshi ta exitoso y stimula su crecemento ora e wordo estableci. 
Diferente orador a elabora riba e topico durante e re. Sra. Sonja Velthuizen, director di KvK a elabora un tiki riba e historia tras di e concepto y e diferente rolnan cu e stakeholders tin den su exito. Siguientemente sra. Varelie Croes a tuma palabra y a splica riba e vision di Gobierno di Aruba encuanto Business Incubation y cu ta bay aloca un parti di fondo di Gobierno pa e proyecto importante aki. Asina Gobierno hunto cu sector priva y UA por financia y realisa e concepto di Business Incubation. Sr. Glenn Thodé di UA a conta riba e forma cu UA ta bay contribui y a duna atencion na e importancia di colaboracion y con mester confronta e fenomeno di ‘red tape’. Finalmente, sra. Bianca Peters, como consultor di COSME ( un proyecto di Europeo) a duna un presentacion riba e ultimo resultadonan di e business plan, e presupuesto y puntonan di accion.
 
Aruba como un Business Incubation Island
Pa Aruba tin oportunidadnan grandi su dilanti por medio di formalisacion di Business Incubation. E ta habri porta pa crea mas pilarnan economico cu lo complementa nos pilar di turismo. Companianan por haya e guia necesario pa por sigui crece y keda un negoshi sostenibel. Via un Business Incubation ta fomenta mas colaboracion y facilidadnan pa yuda un negoshi. Un colaboracion entre sector publico, sector priva y Universidad, basa riba e modelo Triple Helix, ta cubri diferente aspecto pa haci Aruba un pais economicamente fuerte y pa sostene e comunidad empresarial via Business Incubation. KvK tambe ta kere firmemente den e exito di Business Incubation y ta contento di a mira e interes den e publico cu tabata presente y ta conta cu nan lo sigui contagia e entusiasmo pa pone e concepto di Aruba como un Business Incubation Island riba pia. Pa mas informacion por tuma contacto cu KvK via This e-mail address is being protected from spambots. You need JavaScript enabled to view it of yama 582-1566 ext 27/30/35/42.
 
 
Aruba, 23 di november 2018
Camara di Comercio y Industria (KvK)
    
 

By orbitalnets.com