16-2019 – Sesion informativo cu e meta di crea mas posibilidad comercial cu Suriname

KvK ta organisa sesion titula “KvK ta organisa sesion titula ‘E momento ideal pa haci negoshi international’

Oranjestad – Diabierna, 22 di maart 2019 Camara di Comercio y Industria (KvK) a organisa un biaha mas un sesion informativo pa un mision comercial. E biaha aki e tabata pa informa e comerciantenan local encuanto e posibilidadnan di haci negoshi internacional en particular cu Suriname.

Internationaal Ambitieus den colaboracion cu KvK a organisa un evento caminda a trece dilanti informacion encuanto kico haci negoshi riba un plataforma internacional por haci pa bo negoshi. Ademas medio esaki crea e oportunidad pa e comerciante local bin den contacto cu comerciantenan di Hulanda y Suriname.

Un sesion informativo hopi completo
Participacion na e sesion informativo tabata gratis y den un ambiente ameno por a ricibi informacion balioso pa haci negoshi cu Suriname. E moderador pa e evento aki tabata sr. Pascal Fredrik di Internationaal Ambitieus.
E programa a cuminsa cu un palabra di bon bini di Directora di KvK, sra. Sonja Velthuizen. Tambe el a informa e publico con KvK por yuda e empresario cu haci negoshi tanto local como internacional. Siguientemente Presidente di directiva di KvK, sr. Kawish Misier a conta over e importancia di haci negoshi riba nivel internacional via un presentacion tocante ‘Aruba Gateway’. Despues a pasa palabra pa sra. Zulema Dabian-Erasmus di Exprodesk cu a elabora riba dicon y con bo mester exporta pa yuda crecemento di bo negoshi y con Exprodesk por yuda bo cu esey. E programa a sigui cu un presentacion di sr. James Ellsmoor tocante energia renovabel y tambe sra. Anne Dupont cu a pitch su compania y producto y indica kico nan interes comercial ta pa haci negoshi cu Aruba. Pa clausura sr. Ernst Mohamed y sr. Gerard Kenson a comparti nan experiencia unico durante nan bishita na Suriname via un mision comercial.

Na final a duna e oportunidad di tur esnan presente pa intercambia idea y elabora riba e posibilidadnan comercial cu un mision comercial cu Suriname por brinda pa nan negoshi via un netwerk lunch.

Conoce International Ambitieus
Internationaal Ambitieus ta un plataforma pa haci negoshi entre 9 paisnan unda cu e idioma Hulandes ta wordo papia y ta forma parti di Reino Hulandes. Nan ta traha riba mehora e conexion entre paisnan y crea oportunidadnan comercial entre comerciantenan di Reino. KvK ta contento di un biaha mas por traha cu Internationaal Ambitieus y di e forma aki brinda mas oportunidadnan na nos empresarionan local. Pa mas informacion por tuma contacto cu Internationaal Ambitieus via info@interamb.com of bishita nan website www.internationaalambitieus.com.

Aruba, 26 di maart 2019
Camara di Comercio y Industria (KvK)

 

Scroll To Top

Events

    Upcoming Events

    1. Workshop: Basic Data Analysis for Business

      August 20 @ 9:00 am - 1:00 pm
    2. CINEX Smart Investment Summit 2019

      August 28 - September 29
    3. Miacon Construction Show 2019

      September 15 - September 17
    4. Aruba Chamber Business Event 2019

      September 27 @ 7:00 pm
    5. Handelsmissie en congres

      November 25 - November 30

    Make an appointment

Sitemap | Privacy Policy | Disclaimer | By orbitalnets