39-2019: KvK kier scucha opinion di e empresario: KvK ta organisa evento Town Hall Meeting encuanto Reforma Fiscal

Oranjestad – Diahuebs 12 di september 2019 Camara di Comercio y Industria di Aruba (KvK) ta organisa un Town Hall Meeting riba e topico di Reforma Fiscal. E evento lo tuma luga den auditorio di KvK di 6:00 PM pa 8:00 PM. Pueblo hente y en particular e comerciante ta keda cordialmente invita pa ta presente pa comparti idea y bin cu solucionnan pa e Reforma Fiscal.

Durante e Town Hall Meeting KvK lo presenta algun topiconan cu ta forma parti di e Reforma Fiscal y di e forma aki duna e publico presente e oportunidad pa elabora riba solucionnan cu lo beneficia pueblo di Aruba. E topiconan cu lo wordo presenta:

  • Menciona BBO riba e recibo
  • Cobra BBO na frontera
  • Introduci Sugar Tax
  • Bronheffing riba salario di directiva/management y derecho di autor (royalties)

E motibo di e Town Hall Meeting ta pa KvK haya bista di kico ta e preocupacionnan y kico pueblo mes ta considera como e miho solucion cu tin cu wordo inclui den e Reforma Fiscal.

Lo tin un moderador cu lo guia e evento na papiamento pero publico presente por trece su puntonan dilanti na papiamento, hulandes, ingles of spaño. Si acaso bo tin punto cu bo kier trece dilanti prome cu e Town Hall Meeting of si bo no por ta presente por e-mail esaki pa businessinfo@arubachamber.com.

Tene cuenta cu cupo ta limita y pa e motibo aki ta pidi pa registra na tempo via e link aki: https://arubachamber.com/pages/event/town-hall-meeting-fiscal-reform/

Pa mas informacion por tuma contacto via businessinfo@arubachamber.com of yama na 582-1566 ext. 30/42/27.

Aruba, 10 di september 2019

Camara di Comercio y Industria (KvK)

Scroll To Top

Events

    Upcoming Events

    1. Ecommerce Expo

      September 25 - September 26
    2. Aruba Chamber Business Event 2019

      September 27 @ 7:30 pm - 12:00 am
    3. International FDI Summit

      October 28 - October 30
    4. Latin American Congress of Ports (AAPA Latinoamerica)

      November 19 - November 21
    5. Handelsmissie en congres

      November 25 - November 30

    Make an appointment

Sitemap | Privacy Policy | Disclaimer | By orbitalnets