28-2019 – Bishita evento gratis y lanta bo propio negoshi: Business Plaza – Get Started! diasabra 29 juni na KvK

Oranjestad – Si bo tin interes den lanta bo propio negoshi, Business Plaza – Get Started! ta e evento cu bo mester bishita. Camara di Comercio y Industria Aruba (KvK) ta organisa e evento anual special pa tur esnan cu tin interes di cuminsa un negoshi. Ariba e dia aki por haya varios informacion al caso pa si bo tin e ambicion di cuminsa un negoshi of ta den e proceso pa formalisa uno. Business Plaza – Get Started lo tuma luga diasabra 29 juni proximo na KvK cuminsando for di 9’or di mainta te cu 2’or di atardi.

E evento aki ta posibel danki na Aruba Bank N.V. como sponsor principal. E edicion aki lo wordo transmiti en bibo via Facebook danki na IshMedia Studios cu ta haci esaki posibel.

Via e evento Get Started! KvK ta yuda haci bo idea un realidad y brinda e guia necesario pa por cuminsa y maneha bo propio negoshi. Durante e dia aki KvK ta ofrece e oportunidad pa bo registra bo negoshi y di e forma aki cana e caminda pa organisa bo negoshi. Pa por logra esaki, e ta importante pa trece tur documento corecto y completo.

Programa 

Registracion ta cuminsa ya pa 8:30 di mainta. Riba e dia aki KvK ta ofrece un programa yena cu presentacion y tambe un workshop. Pa esaki nos ta encarecidamente pidi pa tene cuenta cu e programa stipula:

  • 09:00 AM – Un palabra di bon bini duna door di e presidente di KvK, sr. Kawish Misier
  • 09:10 AM – Sponsor principal Aruba Bank N.V. lo duna un presentacion
  • 040 AM – Sra. Sonja Velthuizen, sr. Dave Martinus y sr. Oliver Vieira lo duna un presentacion riba e curso Empresario Independiente
  • 10:10 AM – Sr. Karel Arends di Arends Consultancy lo elabora riba “Coaching & mentoring your business”
  • 10:40 AM – Sr. Juan Carlos Espinal di AWG Tours & Services lo conta di su experiencia como un emprendedor
  • 11:10 AM – Sra. Lysandra Boekhoudt-Werleman di Werleman & Associates Consultants lo duna un presentacion riba “Administration for starters”
  • 12:10 PM – Departamento di Impuesto lo duna un presentacion cu informacion basico di impuesto pa comerciante.

Workshops

Durante e edicion aki lo duna un workshop di 1:00 PM pa 2:00 PM. E lo ta un sesion practico encuanto con pa usa e plataforma digital nobo di KvK: Mijn KvK. Esaki ta wordo duna door di sra. Tatiana Britten-Dubero y sra. Bachera Erasmus-Marin.

Fuera di esey lo tin e oportunidad pa haya varios consulta pa e comerciante:

  • 12:00 PM – 1:00 PM Sonja Velthuizen, Directora di KvK y sr. Dave Martinus di ActionCoach lo ta disponibel pa duna informacion y registracion encuanto e programa nobo pa e curso Empresario Independiente.
  • 10:00 AM – 1:30 PM Conseheronan di KvK ta disponibel pa consulta personal
  • 11:00 AM – 1:00 PM Departamento di Asunto Economico ta disponibel pa duna informacion encuanto permisonan
  • 11:00 AM – 1:00 PM Representante di Universidad di Aruba lo tin informacion encuanto programa educativo pa empresarionan.

Networking

Durante e pausa di 11:40 AM pa 12:10 PM tin e oportunidad pa encontra cu otro empresario y comerciantenan presente pa por cera lasonan comercial amistoso. KvK ta ofrece snacks y bebida gratis durante henter e evento.

No keda sin atende e evento gratis aki cu ta un bon oportunidad pa siña y haya mas informacion con pa start bo negoshi. Asina bo por realisa bo soño di tin bo propio negoshi. Pa mas informacion riba Business Plaza – Get Started! y registracion sigui nos riba Facebook-page facebook.com/arubachamber. Registracion ta obligatorio pa tur presentacion y workshop. E registracion ta bayendo lihe y e sala ta yenando pa e evento. Nos kier recorda esnan cu a registra pa yega trempan pa haya un bon luga den sala. Pa mas informacion por tuma contacto tambe via e-mail: businessinfo@arubachamber.com of yama nos na: 582-1566, ext. 42/35/27/30.

Aruba, 24 di juni 2019

Camara di Comercio y Industria (KvK)

Program BP

Scroll To Top

Events

    Upcoming Events

    1. Ecommerce Expo

      September 25 - September 26
    2. Aruba Chamber Business Event 2019

      September 27 @ 7:30 pm - 12:00 am
    3. International FDI Summit

      October 28 - October 30
    4. Latin American Congress of Ports (AAPA Latinoamerica)

      November 19 - November 21
    5. Handelsmissie en congres

      November 25 - November 30

    Make an appointment

Sitemap | Privacy Policy | Disclaimer | By orbitalnets