Kamer van Koophandel en Nijverheid Aruba | Chamber of Commerce and Industry Aruba

09-2020 – Comunicado encuanto flexibilizacion di leynan laboral

Oranjestad – Camara di Comercio y Industria (KvK) ta propone pa e siguiente cambionan wordo aproba mas pronto cu ta posibel den e Leynan Laboral di Aruba.

Aruba ta wordo confronta cu un crisis economico severo pa motibo di e “lockdown” riba tur trafico aereo desde 16 di maart 2020. Esaki ta trece cune un perdida di 10 miyon florin pa dia. Gobierno tambe a indica den su presupuesto revisa cu e caida economico por prevalece te cu fin di 2020. Door di esaki mester tene na cuenta un total di 3.6 miljard Florin na entrada pa e resto di e aña cu lo no por conta cune.

Pa por mitiga e posibilidadnan pa un crisis social tuma luga pa via di e crisis economico, e ta importante pa e Leynan Laboral bira mas flexibel. E ta crucial pa e dunado di trabou ta tuma e decisionnan corecto y ta mas flexibel pa asina e daño cu sector di labor ta wordo confronta cune keda na un minimo. E siguiente puntonan por yuda yega na esaki.

1. Un peticion na e Director di Directie Arbeid en Onderzoek (DAO) pa por termina un acuerdo laboral cu un empleado cu, mirando cu nos ta tratando un situacion di ‘force Majeure’, pa por wordo procesa y aregla. Di e forma aki e negoshinan por krimp in den tempo cortico pa por sobrevivi e periodo nos dilanti.

E decision di  Gobierno pa no duna permiso pa por termina un acuerdo laboral, tin como consecuencia cu e empleado tin cu wordo kita di trabou of wordo manda cas sin pago. Den un situacion caminda e empleadonan den un forma masal, dicidi pa hiba e negoshi corte, lo causa cu e negoshi lo bay declara bancarota. Esaki lo causa mas daño na nos economia. Ni e empleado ni e dunado di trabou tin beneficio den un situacion caminda un negoshi tin cu cera y probablemente lo no habri su portanan mas. KvK ta opina cu lo maximo mester wordo haci pa por mantene e entidad registra na DEACI/KVK pa asina e reglanan permiti e negoshi por reactiva y brinda servicio realistico.

2. Elimina articulo 1613 x lid 2 BWA. Esaki ta trece cune cu un dunado di trabou por tuma un empleado den servicio pa un tempo limita y renobabel. E ta importante mirando cu actualmente negoshinan no tin ningun garantia riba e viabilidad di nan negoshi. Alabes ta brinda e posibilidad pa negoshinan cu a krimp in durante e periodo di crisis pa por purba recupera den un forma flexibel y cu cautela. Si a caso ley no por haci posibel cu un empleado por drenta den servicio pa un tempo limita, e ora e recuperacion economico lo bay tuma hopi mas tempo. Fuera di esey, dunadonan di trabou lo tuma un posicion mas cauteloso pa tuma empleadonan nobo den periodo di incertidumbre economico, si no tuma pasonan pa flexibilisa e periodo y e intensidad di labor.

Introduccion di flexibilidad laboral ta facilita recuperacion economico. Di e forma aki, sector priva ta sigui riba e mes liña cu Pais Aruba cu si tin acuerdonan laboral pa un periodo defini pa su empleadonan. Ta remarkabel cu Aruba ta unico pais den Reino cu e limitacionnan aki cu ta aspectonan anticua.

Aruba, 7 di april 2020

Camara di Comercio y Industria (KvK)

 

Scroll To Top