Kamer van Koophandel en Nijverheid Aruba | Chamber of Commerce and Industry Aruba

02-2019 – Enfocando riba negoshinan cu kier crece: KvK ta cuminsa 2019 cu evento Business Plaza – Step Forward!

Oranjestad – Camara di Comercio y Industria (KvK) ta organisa diasabra 19 di januari 2019 un biaha mas e evento Business Plaza – Step Forward! E evento aki ta cuminsa 9or di mainta te cu 2or di atardi y ta tuma luga na oficina di KvK. E meta di Business Plaza – Step Forward! ta pa brinda informacion y guia na e empresario cu ta desea di expande su liña di producto of servicionan y cu talbes kier restructura su negoshi of tin intencion pa expande cu mercado internacional. Topiconan interesante cu lo wordo presenta ta relata na expansion di un empresa, strategia social pa bo negoshi, experiencia di un empresario y haya sa di e ultimo desaroyo di KvK cu ta importante pa e comerciante. Lo bay tin presente conseheronan di KvK y tambe diferente representante di departamento economico pa duna consulta y brinda informacion encuanto lanta un negoshi. Un danki ta bay na Aruba Bank N.V.cu ta e patrocinado principal di e evento.

E agenda pa e dia lo ta como siguiente:
9:00 AM – 9.10 AM : Discurso di Presidente di KvK sr. Kawish Misier
9:10 AM – 9:40 AM : Presentacion di sponsor Aruba Bank N.V. sr. Eugene Dirksz
9:40 AM – 10:00 AM : “Strategies to boost community engagement and CSR in your company” presenta door di sra. Thixianne Wever di Cede Aruba
10:00 AM – 10:30 AM : “Expansion story of an entrepreneur” door di sra. Rekha Croes-Daryanani di Rexa Studio
10:30 AM – 11:00 AM : “KvK goes digital” presenta door di sra. Sonja Velthuizen, director di KvK

Lo tin un pauze di 11:00 AM te cu 11:30 AM cu oportunidad di networking.

11:30 AM – 12:00 PM : Presentacion di sra. Jacqueline Holmond: “Appointment/ retirement of a legal entity”
12:00 PM – 12:30 PM : Presentacion di sr. Stephen Daal: “Logistics import/export”
12:30 PM – 2:00 PM : Presentacion di sra. Luenne Pieters y sra. Angeline Giel di Departamento di Impuesto encuanto “Tax reforms”
Tur e presentacionan lo tuma luga den e Auditorio di KvK.

Tambe tin e oportunidad pa haya diferente informacion via un consulta personal:
10:00 AM – 1:30 PM : Consulta priva pa negoshi cu conseheronan di KvK
11:00 AM – 1:30 PM : Consulta pa permiso di negoshi cu conseheronan di DEZHI
11:00 AM – 1:30 PM : Consulta priva pa exportacion cu conseheronan di Exprodesk

Universidad di Aruba lo ta presente pa duna informacion tocante estudionan pa empresario. CEDE tambe ta invita y lo tin un booth cu mas informacion encuanto “Aruba Doet”.

No perde e oportunidad aki cu ta ofrece hopi informacion importante pa tur empresario cu tin su negoshi y tin intencion serio den sigui crece. E evento ta brinda oportunidad na e empresario pa reenforsa su lasonan comercial sin importa den ki sector. Durante e evento lo tin diferente snacks y bebida gratis pa refresca.
Business Plaza – Step Forward! ta completamente gratis pero ta importante si pa registra di adelanta pa sigura bo luga durante e presentacionnan. Por haci esaki via e link www.arubachamber.com/signup/ y asina reserva bo asiento. Pa cualkier pregunta y/of mas informacion, por tuma contacto cu KvK via e-mail na businessinfo@arubachamber.com of via telefoon 582-1566 ext. 27/35/42/30.

Aruba, 14 di januari 2019
Camara di Comercio y Industria (KvK)

Scroll To Top