30-2018 – Dia 5 di September lo tuma luga e Aruba Chamber Town Hall Meeting
Oranjestad – Diaranson 5 di september Camara di Comercio y Industria di Aruba (KvK) ta organizando e Aruba Chamber Town Hall Meeting. E re aki ta un oportunidad unico pa e empresario por comparti su pensamento y puntonan di preocupacion pa loke ta e situacion empresarial di Aruba.
E evento lo tuma luga na Centro di Bario Dakota di 6:00 PM pa 8:00 PM. Durante e Town Hall Meeting lo enfoca riba diferente topiconan. Lo crea espacio pa discuti entre otro e siguiente topiconan:
• Desaroyo economico y social, servicionan publico cu ta afecta bo negoshi of e forma di haci bo negoshi;
• Asuntonan cu ta afecta companianan den sector turistico y companianan cu ta distribui na e consumido local;
• Discusion riba impuesto na Aruba, kico a mehora, kehonan en comun y sugerencia pa mehora esaki.
Durante e anochi lo elabora mas riba tur e topiconan cu lo bin dilanti.
Bo contribucion ta yuda crea un miho impresion di kico e experiencia y situacion ta y con por traha na drecha y yuda nos economia sigui crece. E meta final ta pa trece dilanti na Parlamento y Gobierno di Aruba e puntonan cu ta brinda exito pa e comerciante en general na Aruba y alabes elimina obstaculonan cu solucionnan practico.
Pa por ta miho prepara nos ta pidi pa repasa nos white paper cu ta forma e punto di salida pa por yega na e meta final. E whitepaper ta un documento cu KvK a traha a base di diferente renan tanto cu sector publico y sector priva riba kico ta importante pa comercio na Aruba. Esaki bo por download for di nos website via www.arubachamber.com/downloads/reports
Participacion ta gratis pero ta pidi encarecidamente pa registra door di manda un e-mail na businessinfo@arubachamber.com mencionando bo nomber y number di telefon of yama na 582-1566 ext. 27/35/42/30.
Nos ta conta cu bo presencia durante e Aruba Chamber Town Hall Meeting!
Aruba, 3 september 2018
Camara di Comercio y Industria (KvK)
Events
Upcoming Events
Make an appointment
