Connect to Us LinkedIn Youtube RSS

21-2011 - KvK ta introduci Security Paper
  • PDF
  • Print
  • Email

Oranjestad– Camara di Comercio y Industria di Aruba (KvK) entrante dia 3 di October 2011 lo cuminsa entrega tur extracto y declaracion oficial riba “security paper”. E papel di seguridad aki ta evita cu lo por falsifica e documentonan aki y ta duna e empresario y e instancianan cu ta rekeri un documento original, e oportunidad di por controla y confirma cu aki ta trata di un documento oficial di KvK.

Den pasado KvK a confronta varios incidente unda documentonan supuestamente emiti pa KvK a resulta falsifica. Pa por preveni esaki KvK a bin ta trahando riba e proyecto pa introduci un papel di seguridad cual ta preveni pa esaki wordo usa den forma irregular.

E papel di seguridad tin cierto caracteristica cu ta laga e usuario identifica di biaha cu ta trata di un documento oficial emiti pa KvK. E color di e papel ta licht blauw y e ta un papel mas pisa cu papel normal di copia. Cada papel tin un number unico, cu ta crea e posibilidad pa semper controla na KvK si ta trata di un documento original. Ademas e papel tin un watermerk aden cu ta visible banda patras di e papel. Na momento cu un persona copia of scan e documento original e palabra “COPY” ta sali riba e copia of e documento cu a scan.

KvK ta informa tambe cu un documento oficial di KvK semper mester tin un firma original riba e documento.

Aruba, 28 di september 2011

Camara di Comercio y Industria (KvK)

 

 

 

By orbitalnets.com