Connect to Us LinkedIn Youtube RSS

04-2016 - Business Plaza-Step Forward!, Un Éxito Grandi!
  • PDF
  • Print
  • Email
Oranjestad - Diasabra 16 di januari ultimo, Camara di Comercio (KvK) a tene su di 4 edicion di Business Plaza-Step Forward! E evento a resulta un exito grandi unda cu a conta cu mas di 80 participante. Patrosinado principal di e edicion aki tabata Banco di Caribe.
 
Presidente di Camara di Comercio, sra. Daphne Agius Cesareo–Lejuez, a habri e programa y a duna palabranan di bonbini. E presidente a comparti su pensamento cu un y tur presente unda cu a enfatisa riba e importancia di duna apoyo y guia na e empresario existente.
Pa un empresa keda competitivo e mester reinventa su mes door di tuma pasonan cu por hibe na e ‘next level’. Tambe sra. Lejuez a menciona cu KvK ta haciendo esfuersonan grandi riba tereno di training y coaching pa negoshinan mediano y chikito (SMEs).
 
Business Plaza-Step Forward! ta enfoca riba empresarionan cu ta desea di expande nan negoshi pa medio di agrega producto of servicio, busca empleado of kisas cera laso cu mercado internacional. Tur e topiconan aki a ser presenta tambe parti mainta, unda cu oradornan profesional invita a comparti nan conocemento y experencia cu e publico presente.
Durante e break participantenan a haci uso di e oportunidad pa netwerk cu otro y cu e oradornan presente, mientras por a disfruta di snacks y refreshments cu a ser co-patrosina pa Croleco NV. 
Ademas Business Plaza-Step Forward! a conta cu presencia y representacion di Departamento di Asunto Economico y a brinda informacion tocante e diferente permisonan di establecimento di negoshi. Varios persona a papia tambe cu conseheronan di KvK y a ricibi consulta priva tocante nan ideanan di expansion y di negoshi en general.
Parti atardi a tuma luga un workshop tocante ‘Social Media’. Esaki a trata di un workshop ‘hands-on’ unda cu esnan presente por a practica ariba nan propio smartphone of tablet y a ricibi informacion valioso ariba e aspecto imporante y popular aki.
 
E reaccion ricibi tabata uno sumamente positivo y por conclui sigur cu e participantenan a keda contento y entusiasma cu e informacion brinda na nan. KvK kier expresa palabranan di gratitud na sponsor principal Banco di Caribe pa su aporte y pa haci e evento aki posibel. Danki tambe na Croleco NV pa su contribucion y na tur esnan cu a aporta pa realisa un otro edicion exitoso di Business Plaza-Step Forward!: e.o. sra Marielsa Arends-Croes di MGM Source, Sr. Boy Ecury di Ecury Solutions, Sr. Sven Faarup di Faarup & Figaroa Law Offices, Sr. Johannes Vervloed di Departamento di Relacion Exterior, Sra. Rubiëla Lampe-Chiquito di ACE Firm Engineering, Sr. Guido Picus, Sr. Robert Anjie y Sra. Aissette Rivera di Expandeer y sin lubida Departamento di Asunto Economico.
 
E aña aki un bes mas KvK lo tene su edicion di Business Plaza-Get Started! den luna di juli pa tur esnan interesa pa cuminsa nan negoshi. Keda pendiente pa mas informacion tocante e evento aki! Pa mas informacion tocante edicionnan di Business Plaza y otro eventonan di KvK, por tuma contacto cu Business Information & Support na 582-1566 of manda un e-mail pa: This e-mail address is being protected from spambots. You need JavaScript enabled to view it .  
 
 
Aruba, 20 di januari 2016
Camara di Comercio y Industria (KvK)
 
alt alt alt  alt alt alt alt
 

By orbitalnets.com