Connect to Us LinkedIn Youtube RSS

53-2015 - KvK ta lansa su 'business publication'
  • PDF
  • Print
  • Email
Oranjestad – Recientemente Camara di Comercio y Industria Aruba (KvK) a lansa un publicacion “Aruba Business Environment ~ Economic Reality and Potential” tocante desaroyo economico di pais Aruba cu enfoke riba comercio y industria. E iniciativa aki ta relaciona cu KvK su celebracion di 85 aña di aniversario. Pa marca e ocasion conmemorativo aki Camara di Comecio ta desea di tuma un rumbo nobo pa e comunidad empresarial y pesey a percura pa un analisis extenso di e retonan cu comercio ta confronta su mes.
 
Den e reportahe aki KvK ta presenta un descripcion di e situacion actual den aspectonan comercial na Aruba y ta señala puntonan cu por yuda mehora y facilita proceso den asuntonan di comercio pricipalmente pa nos empresarionan local. Un aspecto importante di e publicacion aki ta cu a tene cuenta y analiza feedback di e comunidad empresarial conhuntamente cu datos di estadistica pa haya un miho bista con Aruba ta para actualmente y den cual direccion nos kier bai.
 
Puntonan di accion principal den procesonan di comercio
Pa midi e forma practico di haci negoshi den un pais ‘World Bank Group’ ta analiza 8 punto como indicador, cual ta, establecimento di negoshi, ricibi financiamento, pago di Impuesto, comercio internacional, enforcing contracts, resolve insolvencia, regulacion di mercado laboral y adkeri servicionan di utilidad. E indicadornan aki a wordo usa pa analiza e situacion na Aruba di cual por conclui cu mayoria ta rekeri proceduranan intensivo y cu ta tuma demasiado tempo pa finalisa.  
Si tuma como ehempel e parti di financiamento di negoshi chikito/mediano, esaki ta un punto di discucion conoci cu sigur ta rekeri accion. Mayoria negoshi cu kier aplica pa credito ta mara na varios rekisito conservativo y estricto cu banconan ta aplica. E termino pa obtene credito ta dura entre 
6 siman pa 6 luna y ta depende di e nivel di informacion disponibel. Otro punto interesante ta e sistema y porcentahe di impuesto. Comparabel na otro paisnan, Aruba tin un sistema di impuesto complica cu diferente tipo di impuesto, cada un cu su sistema, excepcion y deduccion. Ademas di ta complica e carga di impuesto ta uno basta pisa. Tanto Camara di Comercio como comunidad empresarial ta di opinion cu e sistema di impuesto mester wordo simplifica y introduci incentivo fiscal cu lo yuda stimula actividad comercial, banconan, como resultado di control estricto di Banco Central segun FATF, ta aplica.
 
Anteriormente a conduci un investigacion unda cu mas o menos 220 empresa a wordo aserca pa medio di un encuesta cu e obhetivo principal pa determina e impacto di economia politico na Aruba manera cu e ta wordo percibi pa comunidad empresarial. E resultado a duna di conoce cu cierto aspecto cu ta di gran importancia pa Gobierno di Aruba no ta di mes importancia pa comerciantenan. En general comerciantenan ta sinti cu no tin mucho claridad riba posibel cambio den comercio y costo di haci negoshi den termino corto.
 
Algun di e solucionnan cu ta ser treci dilanti den e publicacion pa aporta positivamente na e atmosfera empresarial ta por ehempel pa tene sesionnan strategico entre partidonan publico y priva pa logra acuerdonan; stimula y facilita inversion priva; alivia presion social cu tin riba doño di trabou; simplifica aprobacion di permiso di establecimento di negoshi y laga esaki ta basa riba concepto di negoshi.  
 
Esakinan ta simplemente algun punto cu ta duna un ehempel di proposicion pa adaptacion cu ta ser treci dilanti den a publicacion. E demas sugerencianan cu elaboracion di cada punto por wordo lesa den e ‘business publication’ cual ta obtenibel serca e departamento di Business Information & Support na Camara di Comercio ( This e-mail address is being protected from spambots. You need JavaScript enabled to view it ).
 
 
Aruba, 15 di december 2015
Camara di Comercio y Industria (KvK)
 

By orbitalnets.com