Connect to Us LinkedIn Youtube RSS

44-2015 - “Aruba Chamber 85th Celebration Event – 22 Oktober 2015”
  • PDF
  • Print
  • Email
Oranjestad, 1 di oktober 2015 – E aña aki Camara di Comercio y Industria Aruba (KvK) lo tene su evento anual den combinacion cu su celebracion di 85 aña di existencia. E “Business Meeting Event”, similar na esun cu a tuma lugar aña pasa, lo tin como titulo: “From Red Tape to Red Carpet” y lo hiba un toque special pa motibo di celebracion di su 85 aña. Sponsornan di e evento ta RBC Royal Bank y AFAS Software Aruba.
 
Programa 
E programa di e anochi aki lo consisti di un discurso di e Presidente di KvK, cu lo elabora riba e situacion economico di nos pais y e orador invita lo dedica su presentacion ariba e tema di e evento.
Despues di e parti oficial, participantenan ta haya e oportunidad amplio pa por intercambia pensamento y ideanan durante un ‘networking reception’. Esaki lo tuma lugar den un ambiente ameno unda cu naturalmente lo ofrece ‘hors d’oeuvres’ y premium drinks. Celebracion di KvK su 85 aña no por tuma lugar sin un parti festivo, pues como clausura di e anochi lo ofrece entretenimiento musical presenta pa ‘Buleria’. 
 
“Keynote speaker”
Pa KvK su celebracion di 85 aña di aniversario, e anochi lo conta cu un orador renombra di Fondo Monetario Internacional (IMF), señor Xavier Debrun.
 Sr. Xavier Debrun ta hefe interino di e departamento di supervision y asunto fiscal di IMF. Despues di a obtene su doctorado den Economia Internacional, e la join IMF na aña 2000. Tambe e la fungi na varios ocacion como profesor invita durante sesionnan di ‘think tank’ tocante asuntonan di economia Europeo como tambe na e Graduate Institute na Geneva. Su interes pa research ta trata di integracion monetario, economia politica y asuntonan macro-fiscal. Varios articulo tocante e topiconan aki a ser publica pa su persona den revistanan profesional, buki y serie di publicacion di IMF. 
 
E titulo “From Red Tape to Red Carpet” lo señala puntonan crucial cu nos economia ta bibando aden actualmente. E meta pa sigura un economia stabil y duradero ta algo clave pa esnan encarga cu maneho unda cu finanzas publico ta di gran influencia. Recientemente, e crisis financiero internacional a ilustra con un presupuesto gubernamental por absorbe ‘shocks’ na un manera manehable pa evita un situacion di deflacion. Pero preguntanan cu ta surgi ta con finanzas publico por influencia actividad economico den termino largo? Na ki nivel debe publico por impedi crecemento?  E sistema di impuesto y plan di gasto publico por crea potencial pa crecemento?  
Sr. Debrun lo presenta testimonionan internacional pa trece contesta preliminar ariba e preguntanan importante aki. 
 
Camara di Comercio ta gradici e sponsornan di evento, RBC Royal Bank y AFAS Software Aruba pa haci e evento anual, incluyendo celebracion di 85 aña, posibel. 
 
Comunidad empresarial ta keda cordialmente invita pa asisti na e evento special aki. 
Aruba Chamber 85th Celebration Event “FROM RED TAPE TO RED CARPET” cu lo tuma lugar na Hyatt Regency Aruba Resort & Casino, diahuebs, 22 di oktober 2015 di 7’or te cu 12’or di anochi. Dress code ta ‘Business Elegant’.
 
Tickets ta disponibel na KvK pa $100,- pa persona. Esnan interesa por tuma contacto cu e departamento di Secretariado na telefon 5821120 ext. 41/29 pa haci reservacion. Tambe por haci reservacion atraves di: www.arubachamber.com  of via e-mail: This e-mail address is being protected from spambots. You need JavaScript enabled to view it .
 
 
Aruba, 1 di oktober 2015
Camara di Comercio y Industria (KvK)
 
alt
 

By orbitalnets.com