Connect to Us LinkedIn Youtube RSS

19-2011 - KvK ta organisa su di XVIII Annual Business Dinner Meeting
  • PDF
  • Print
  • Email

Oranjestad – Camara di Comercio y Industria (KvK) ta organisa su di XVIII Annual Business Dinner Meeting ariba diabierna 30 di september pa 8’or di anochi na Hyatt Regency Aruba Resort & Casino. E orador prinicipal durante e anochi interesante aki ta Prof. Amar Bhidé. Prof. Bhidé su expertisio ta encera aplicacion di innovacion, entrepreneurship y decision strategico den negoshi y economia global. Actualmente e ta Profesor na Fletcher School of Law and Diplomacy, Tufts University cu ta situa na Massachusetts.

E di XVIII Annual Business Dinner Meeting aki lo clausura den grandi e serie di actividadnan cu enfoke ariba innovacion. Pa esaki a haci escogencia pa un orador di renombre internacional cu pa mas cu 20 aña ta specialisa den e topico di innovacion. E filosofia di Profesor Bhidé ta encera cu un bon sistema financiero ta necesario pa stimula y facilita innovacion. Segun Profesor Bhidé innovacion ta un forma pa garantisa desaroyo economico sostenible cual ta trece prosperidad pa comunidad. E titulo di Prof. Amar Bhidé su speech lo ta: “Sustaining a Venturesome Economy”.

Despues cu Prof. Bhidé a completa su estudio el a fungi como Profesor na entre otro Columbia University, Harvard Business School y University of Chicago’s Graduate School of Business. Profesor Bhidé a traha como Senior Engagement Manager na Mc.Kinsey & Company y tambe tabata forma parti di e staff di Brady Commission cu a investiga e crash di e stock market na Merca. Prof. Amar Bhidé a obtene su Masters of Business Administration cu alto distincion na Harvard University y despues a obtene su Doctor of Business Administration. Profesor Bhidé a publica cuatro buki, entre otro pa Oxford y Princeton University di cual esun mas conoci ta “The Venturesome Economy: How Innovation Sustains Prosperity in a More Connected World”. E buki aki a gana e prestigioso premio PROSE Award pa Excelencia escolar y profesionalismo den business, finanzas y management di Association of American Publishers y a sali ariba e lista di “Best of 2008” di The Economist, BusinessWeek y Barrons. KvK ta invita tur interesado pa no perde e discurso interesante aki.

KvK ta kere firmemente cu innovacion ta esencial pa desaroyo y diversificacion di nos economia. Pa e motibo aki KvK a organisa na october aña pasa un conferencia riba e tema aki, como inicio di un serie di actividad cu enfoke riba innovacion. E aña aki KvK a sigui cu mas evento manera un Innovation & Entrepreneurship Workshop, cu a tuma lugar den e luna di maart y un Expo Internacional cu e titulo Destination Innovation cu a tuma lugar na fin di mei na Renaissance Convention Center.

Interesadonan por tuma contacto cu KvK pa mas informacion y pa reserva carchi pa e di XVIII Annual Business Dinner Meeting na 582-1120, ext. 34/41 of manda un email pa This e-mail address is being protected from spambots. You need JavaScript enabled to view it .

Aruba, 18 di augustus 2011
Camara di Comercio y Industria (KvK)

 

By orbitalnets.com