Connect to Us LinkedIn Youtube RSS

29-2015 - Delegacion di KvK a sali pa Cuba ayera mainta
  • PDF
  • Print
  • Email
Oranjestad  –  Despues di varios luna di preparacion, e delegacion di Camara di Comercio y Industria (KvK), bao guia di presidente di KvK, sra. Daphne Lejuez, a sali ayera mainta rumbo pa Cuba unda cu e mision comercial den cooperacion cu Camara di Comercio Cubano ta andando na e momento nan aki. Na yegada na Havana e delegacion a conta cu un ‘welcome reception’ na  aeropuerto y transfer pa e hotel unda e delegacion ta hospedando.
 
Programa di e mision
Durante e dia di awe y mayan ta tuma lugar e citanan cu varios empresa Cubano y tambe presentacionnan pa intercambia informacion di e clima empresarial di tanto Cuba como Aruba na unda cu participantenan lo cera conoci cu otro. Awe lo firma tambe un convenio mutuo pa fortalece e cooperacion comercial entre Aruba y Cuba. Ademas tin tours y bishita pendiente na puntonan atractivo di e pais pa participantenan por haya un bista di kico Cuba tin pa ofrece.
Dianan 10 y 11 di juni ta sigui cu bishita na diferente puntonan di atraccion y eventual continuacion di cita of bisihita empresarial. Pa clausura e mision comercial e delegacion lo ricibi un tour moderno yama ‘Havana by night’ sigui pa un cena cu musica tipico Cubano.
Diabierna 12 di juni e delegacion lo ta regresando Aruba cu e charter directo cu Insel Air a pone disponibel specialmente pe mision.
KvK ta desea e delegacion un siman exitoso durante e mision comercial na Cuba y ta spera di estrecha laso entre economia y Comercio di Aruba y Cuba y cu por yega na oportunidadnan fructifero pa ambos. 
 
 
Aruba, 08 di juni 2015
Camara di Comercio y Industria (KvK)
  
 

By orbitalnets.com