Connect to Us LinkedIn Youtube RSS

23-2015 - Interesante nochi di informacion Mision pa Cuba
  • PDF
  • Print
  • Email
Oranjestad  –  Diaranson ultimo a tuma luga un nochi informativo organisa pa Camara di Comercio y Industria Aruba (KvK) en cuanto e Mision Comercial (Trade Mission) pa Cuba cu lo tuma luga den luna di juni 2015. E nochi informativo aki a ser presenta pa presidente di Camara di Comercio y Industria Aruba,  Sra. Daphne Agius Cesareo-Lejuez y e Director Ehecutivo, Sr. Leo Maduro. 
 
Durante e evento tabatin hopi comerciante cu a mustra nan interes pa explora kico un pais manera Cuba tin pa ofrece. Fuera di den e sector di turismo, unda Aruba ta un lider den conocemento, tambe lo tin un gran demanda den conocemento encuanto e.o. infrastructura, energia, agricultura y comunicacion. Tambe tabatin comerciantenan cu interes pa explora e posibel inversionnan cu por haci na Cuba. Ta di remarca cu comerciantenan di Aruba ta den un bentaha  grandi compara cu otro paisnan pa loke Aruba tin den comun cu Cuba. E similaridad entre e dos culturanan ta hopi, cual ta haci cu Aruba su comerciantenan local por comunica na un manera facil  cu Cubano y asina realisa relacionnan comercial hopi mas lihe.
 
KvK a tuma e oportunidad di invita dos persona procedente di Cuba pa comparti cu tur presente un poco mas di Cuba. Nan ta sumamente positivo riba loke experticio di comerciantenan di Aruba por significa pa engrandece e economia na Cuba, como tambe kico Cuba por significa pa Aruba.
 
Durante e Mision comerciantenan por spera hopi actividadnan cu ta explora kico specificamente Cuba por significa pa cada comerciante. Sea ta inversionnan of ta intercambio den producto y/o conocemento. Kvk tin contacto estrecho cu Camara di Comercio na Cuba unda lo percura pa ‘match-making’ entre companianan. Pa tur e comerciantenan cu ta interesa pa participa na e Mision Comercial pa Cuba, por inscribi te cu 4 di mei 2015. E costo total pa e Mision Comercial pa Cuba aki ta Afl. 4.500,= y Camara di Comercio y Industria Aruba ta pidi un deposito di Afl. 500,=. 
 
Lo tin un descuento pa grupo di 2 persona cu ta comparti un camber. Tur comerciante cu ta desea di ricibi mas informacion por tuma contacto libremente cu Camara di Comercio y Industria Aruba door di yama 582-1566, ext. 26/29 of manda un email na This e-mail address is being protected from spambots. You need JavaScript enabled to view it  
 
 
Aruba, 24 di april 2015
Camara di Comercio y Industria (KvK)
      
 

By orbitalnets.com