Connect to Us LinkedIn Youtube RSS

27-2014 - Invitacion: KvK ta presenta exposicion di arte ETNIA NATIVA di Anthony Croes
  • PDF
  • Print
  • Email
Oranjestad – Camara di Comercio y Industria Aruba (KvK) ta anuncia “Etnia Nativa”, un exposicion nobo di arte den su edificio. E exposicion ta di e artista Anthony Croes y lo keda inaugura na KvK, riba diabierna, 17 di oktober, 2014, di 5:00 – 7:30 pm.
Cu e inauguracion di e exposicion “Etnia Nativa” di Sr. Anthony Croes, ta termina e exposicion di fotografia maritimo di Sra. Dimphy Janssen. KvK ta kere cu como comunidad ta importante pa nos apoya artistanan local, pasobra di e forma aki nos ta sostene e creatividad y libertad pa expresa nos mes. Arte por stimula goso personal y talento creativo mientras e ta envolve e comunidad. Arte por hasta trece crecemento economico, ora e ta wordo refleha por ehempel den arkitectura y otro obra cu ta decora y/of representa e comunidad. Hopi pais na mundo ta considera arte un parti vital di nan economia nobo.
 
Anthony Croes ta naci na Aruba y su interes den arte a cuminsa desde cu e tabata mucha. Su arte tin hopi influencia di indian di Aruba, cu ta bisto den su pintura y sculturanan. KvK a bin den contacto cu Sr. Croes despues di a duna un charla na un grupo di artista con pa cuminsa nan negoshi y asina a surgi e idea pa un exposicion nobo na KvK.
E arte di Sr. Croes ta reflehaentre otro paisahe di Aruba y ta trece su expresion di e cultura indigena di Aruba dilanti. Ora nos wak su arte di cerca, por nota e relacion entre loke na prome bista ta parce di ta diferente modo di pintura den su paisahenan. Su motivacion ta demonstra e reto di expresa e etnicidad Arubiano sin laga afor of neglicia e influencia y composicion Europeo.
Sr. Croes ta splica cu su motivacion ta pa mezcla e estado emocional y mental di e Europeo colonial cu e estilo di e nativo di Aruba. Tambe e kier evita e dicotomia convencional entre loke ta wordo considera 'tradicional' y 'avant-garde' .
 
KvK ta invita tur hende pa presencia e inauguracion di e arte impresionante di Sr. Anthony Croes na Camara di Comercio. E anochi aki Sr. Croes lo ta presente pa conta mas tocante su piesanan y esnan interesa por haci pregunta mas detaya na su persona y publico por pasa un rato ameno y netwerk durante e exposicion.
Fecha: diabierna, 17 di october, 2014. 
Horario: 5:00 - 7:30 pm
Lugar: Camara di Comercio
 
Pablo Picasso a bisa cu e meta di arte ta pa laba e stof di bida diario di riba nos alma. Arte ta biba den nos. E ta tuma trabao y dedicacion pa crea arte. Arte ta trece hende di diferente background hunto y pesey como parti di comunidad, KvK ta haya importante pa apoya artistanan local pasobra sin e sosten aki e arte produci, ta stop di tin su impacto. Cu sosten, artistanan por expresa nan creatividad libremente y e ora arte ta wordo admira pa un y tur y asina por trece tambe valor economico pa comunidad y artista.
 
E evento aki ta gratis. Considera e comunicado aki como un invitacion personal y pa esnan interesa pa atende, favor di RSVP adelanta na This e-mail address is being protected from spambots. You need JavaScript enabled to view it  
Pa mas informacion, check nos facebook.com/arubachamber of tuma contacto cu nos na 582.1566, ext. 42.
 
Aruba, 13 di october 2014
Camara di Comercio y Industria (KvK)
 
 

By orbitalnets.com