Connect to Us LinkedIn Youtube RSS

23-2014 - Procedura di deposito di cuenta anual y registro di accionista pa NV, VBA y AVV
  • PDF
  • Print
  • Email
Oranjestad, 14 di augustus 2014 – E proceso na KvK den caso di entrega di cuenta anual y copia di registro di accionista ta merece un splicacion adicional, pa tur cliente ta bon na altura con esaki ta tuma luga, pa garantisa maximo claridad y seguridad.
 
Cuenta anual 
Tin diferente manera pa entrega e documentonan:
- via post
- via e-mail (pdf)
- entrega personal
 
Via post:
E cliente mester percura pa e pakete ta completo, inclusive e formulario nr. 16 cu mester yena.
E documentonan ta bay directamente pa e back office. E cliente ta haya un confirmacion di KvK cu a ricibi su documentonan den bon ordo y cu nan ta warda segun procedimento. Acceso limita na Director y Hoofd Registers.
 
Via e-mail: mesun proceso manera via post, cu e diferencia cu ta warde digitalmente, cu acceso limita na Director y Hoofd Registers.
 
Entrega personal na KvK:
Control na recepcion:
Na recepcion ta haci un random check solamente pa mira si e documentonan ta completo, es decir: formulario 16 corectamente yena. NO ta haci control riba firma di director(nan) rekeri ni contenido di e documento (balans, winst- en verliesrekening y  toelichting). Esaki ta sucede den back office bao guia y supervision di Hoofd Registers. Si falta documento na balie, no ta acepta e documentonan cu si tey, y no ta duna un confirmacion di recepcion.
 
Si e documentonan ta completo, e compania ta haya un confirmacion di entrega. Eventual notificacion di algo cu no ta na ordo ta bin despues di Hoofd Registers, cu ta responsabel pa haci e control di contenido. 
 
Despues di control completo, e documento ta keda warda den un envelop seya,cu un combinacion di cifra unico. Si e compania ta aprecia, por e-mail nan e codigo bao di cual e documentonan ta warda.
 
Si un persona ta desea di sinta personalmente cu un persona responsabel pa revisa tur cos y acepta, y seya e envelop di biaha, esaki ta posibel segun disponibilidad di Hoofd Registers of Director. Por tambe traha cita pa esaki.
 
Inzage segun ley
Derecho di acceso na e documentonan aki ta limita na e autoridadnan cu tin e derecho regla den nan mes leynan. Ta trata te awor aki di: MOT, OM y Banco Central. Acceso ta ser duna solamente despues di peticion na Director di KvK. Despues di inzage e documentonan ta bay den un envelop nobo, y ta traha proces verbaal di e inzage, cual ta splica e deposito den un envelop nobo. 
 
Copia di registro di accionista
Esaki en general ta sigui e pocedura di e cuenta anual. Si e keda entrega hunto cu e cuenta anual, ta warda e documentonan hunto den un envelop. Si e ta ser entrega separa, e ta bay warda separa.
 
Tur empresario cu tin cualkier duda of ta desea di sa mas tocante e proceso aki, por tuma contacto libremente cu KvK na 582.1566. Tambe por consulta nos website pa mas informacion, http://www.arubachamber.com/business-in-aruba/filing-of-the-annual-financial-statement. 
 
Aruba, 14 di augustus 2014
Camara di Comercio y Industria (KvK)
 
 

By orbitalnets.com