Connect to Us LinkedIn Youtube RSS

10-2014 - RBC Royal Bank ta sponsor di Aruba Chamber Business Event!
  • PDF
  • Print
  • Email

Oranjestad, 3 di april, 2014 – Falta solamente algun dia pa e gran evento di Camara di Comercio y Industria (KvK) “Transforming our business climate...taking charge of our future”.  E evento ta wordo patrocina door di RBC Royal Bank y lo ta ariba diamars 15 di april na Hyatt Regency Aruba Resort & Casino. Esaki ta e evento ideal pa haci bo networking y sin lubida, pa scucha e resultado di e estudio independiente di profesor dr. Michiel S. de Vries, docente na Radboud Universiteit Nijmegen y Universidad di Aruba.

RBC Royal Bank ta sponsor
Sponsor di e evento grandi aki ta RBC Royal Bank, kende ta mira e evento como e oportunidad perfecto pa yega mas cerca di e empresario. Camara di Comercio ta contento cu e contribucion cu RBC Royal Bank ta haci, asina KvK por haci e evento importante aki, mas grandi. “Transforming our business climate” ta un plataforma excelente pa empresarionan bin hunto, netwerk y trece nan ideanan dilanti con pa hunto nos mehora nos clima empresarial y kico ta e pasonan necesario pa logra esaki.

E evento lo cuminsa cu presentacion di presidente di Camara di Comercio, Sr. Omar Tromp, sigui pa e keynote speaker, Prof. dr. M.S. de Vries, ken lo presenta resultado di su estudio “Economic Policies in Aruba”. Meta di e estudio ta pa trece dilanti e opinion di empresarionan tocante e clima di inversion y con nan ta kere cu por mehora esaki pa transforma nos isla den un pais mas atractivo pa tur esnan cu ta inverti, local y internacional, sigurando un futuro mas prometedor pa nos tur.

Sea parti di e transformacion!
Transforming our business climate lo tuma lugar na Hyatt Regency Aruba Resort & Casino, diamars 15 di april, 2014, di 7’or te cu 10:30 di anochi.
 
Tickets ta disponibel na KvK pa 100 florin pa persona. Compania y individuonan interesa por tuma contacto cu e departamento di secretariado na telefoon 582.1120 ext. 29/34/41 pa haci reservacion. Atende e evento aki pa asina abo tambe por ta parti di e transformacion di nos futuro!


Aruba, 3 di april 2014
Camara di Comercio y Industria (KvK)

 

 

By orbitalnets.com