Connect to Us LinkedIn Youtube RSS

09-2014 - Aporta na e transformacion di nos clima empresarial
  • PDF
  • Print
  • Email

Oranjestad, 1 di april 2014 – Ariba diamars, 15 di april 2014, Camara di Comercio y Industria (KvK) lo tene su prome networking event “Transforming our business climate....taking charge of our future” na Hyatt Regency Aruba Resort & Casino.  Esaki ta abase di un estudio cu actualmente ta tumando lugar y cu lo ser presenta pa e keynote speaker, profesor dr. Michiel S. De Vries di Radboud Universiteit Nijmegen y Universidad di Aruba.

Prof. dr. De Vries ta docente Bestuurskunde na Radboud Universiteit na Nijmegen, Hulanda. Alavez, desde 2011, docente na Universidad di Aruba, relaciona na e asina yama “Gouverneursleerstoel” institui pa nos Gobernador, S.E. Fredis Refunjol, pa e topico “Openbaar Bestuur in Kleinschalige Rechtsordes”.

Especialmente pa e Business Event di KvK, Prof. dr. De Vries ta bai presenta resultado di estudio haci con  e clima empresarial ta na Aruba y con pa transforma y mehora esaki. Pa esaki actualmente ta tuma lugar un encuesta bao di empresarionan na Aruba.

Transforma nos clima empresarial
Aporta abo tambe na e transformacion aki yenando e encuesta, “Economic Policies of Aruba”. Duna nos bo opinion y sugerencianan con hunto nos por mehora nos clima di inversion, facilita entre otro procesonan di permiso, y asina contribui na un mihor futuro.

Pa yega na e resultado desea, Prof. dr. De Vries a redacta e preguntanan necesario den un encuesta cu lo conduci na e contesta con pa transforma nos clima di empresarial.

E temanan cu prof.dr. De Vries ta toca ta entre otro medidanan introduci den ultimo aña y con efectivo nan ta. Kico ta e (des)bentaha cu empresarionan a experiencia di e pasonan tuma. Di e medidanan cu gobierno tin intencion pa introduci, cua di nan bo ta kere ta eficiente? Kico lo ta nan (des)bentaha? Kico abo lo sugeri? Despues e encuesta ta trata inovacion na Aruba y con e por contribui na nos desaroyo economico.

Y por ultimo prof. Dr. De Vries ta desea di haya sa di empresario kico nan ta pensa di e proceso di peticion y otorgamento di permiso. Por ehempel, permiso di trabou, permiso pa restaurant, etc. Con e empresario ta pensa cu por haci e proceso aki mas liher y facil?

Participa na e encuesta!
Pa yena e encuesta ta costa bo menos di 10 minuut. Djis bai riba facebook.com/arubachamber of ariba nos website y click ariba e imagen di e “Business Event” of den e streamer, y abou di e pagina, bo ta wak e encuesta, www.arubachamber.com.

Transforming our business climate lo tuma lugar na Hyatt Regency Aruba Resort & Casino, diamars 15 di april, 2014, di 7’or te cu 10:30 di anochi. Tickets ta disponibel na KvK pa 100 florin pa persona. Interesadonan por tuma contacto cu e departamento di secretariado na telefoon 582.1120 pa haci reservacion.

Aruba, 1 di april 2014
Camara di Comercio y Industria (KvK)
 

 

By orbitalnets.com