Connect to Us LinkedIn Youtube RSS

15-2013-Participacion di comerciante ta valioso vota pa puesto den directiva KvK
  • PDF
  • Print
  • Email

Oranjestad - Camara di Comercio y Industria Aruba (KvK) ta informa cu
diamars, 10 di december proximo lo tin un votacion pa yena dos (2) vacatura pa Kleinbedrijf y un (1) vacatura pa Grootbedrijf den directiva di KvK. Esaki ta e fase final den e proceso electoral di KvK pa aña 2013, unda cada aña a base rotativo tin eleccion pa 3 puesto di directiva.
E candidatonan pa e puesto di Grootbedrijf ta: Daphne R.Y. Aguis Cesareo-Lejuez, Julisa N. Arends-Hoevertsz y Omar F. Tromp.
E candidatonan pa e dos puestonan di Kleinbedrijf ta: Julisa N. Arends-Hoevertsz, Omar F. Tromp, Mohamed J. Mahawat Khan y Daphne R.Y. Aguis Cesareo-Lejuez.
Pa mas informacion di e eleccion incluyendo informacion di e candidatonan fabor di bishita nos website: www.arubachamber.com.

Funda na 1930, KvK ta un entidad legal sui generis cu e tarea specifico pa representa comercio y industria di Aruba. Obligacionnan di KvK ta encera e.o. fungi como consehero oficial di Ministro di Asuntonan Economico, administra e registro oficial di negoshi y fundacion di Aruba. Fuera di atende asuntonan di KvK mes, e posicion di miembro di directiva ta un parti esencial di e sistema socio-economico di Aruba, caminda representantenan oficial di comercio por defende nan interesnan ora di discuti y tuma decisionnan di caracter nacional cu e otro partnernan social, esta gobierno y gremio sindical.

E eleccion ta tuma lugar na oficina di KvK, J.E. Irausquin Boulevard 10, den e Auditorio
(segundo piso). E votador pa Kleinbedrijf y Grootbedrijf mester presenta personalmente entre 9.00 ‘or y 12.00 ‘or cu su carchi di votacion y un comprobante di identificacion valido. Nos ta informa cu e carchi di “oproep” pa votacion ya a wordo reparti, pero si acaso un persona no a ricibi esaki ainda por tuma contacto cu KvK pa mas informacion. Ta posibel tambe riba dia di votacion pa haya un duplicado di e carchi di “oproep”. Alavez nos ta recorda persona y instancianan unda votadornan ta emplea, cu conforme stipulacion di e Ordenanza di Eleccion, nan mester percura pa duna oportunidad na e personan aki pa hasi uzo di nan derecho di voto. Si tin algun pregunta y/o informacion, favor tuma contacto sea via e-mail This e-mail address is being protected from spambots. You need JavaScript enabled to view it , telefoon 582-1120 ext. 41/29/34 of fax 588-3200.


Camara di Comercio y Industria Aruba
Aruba, 3 december 2013

 

By orbitalnets.com