Connect to Us LinkedIn Youtube RSS

02-2013 - Directiva di KvK pa 2013
  • PDF
  • Print
  • Email

Oranjestad – Camara di Comercio y Industria (KvK) a elegi den su reunion recientemente un presidente y vice-presidente pa aña 2013. Sr. Mohamed J. (Jamal) Mahawat Khan a keda re-eligi como presidente y Sr. Omar F. Tromp a wordo elegi como vice-presidente pa e demas miembronan di directiva.

Banda di e presidente y vice-presidente, directiva di KvK ta conta cu Sres. Satish D. Daryanani, Francisco L.M. de Mey, Ernst J.E. Mohamed, Donicio R. (Ricardo) Wever, Oscar S. (Trey) Wyatt y e dama Lindsey T.M. Wever.
Recientemente Sra. Lindsey T.M. Wever a keda re-eligi y a yama Sres. Ernst J.E. Mohamed y Oscar S. (Trey) Wyatt bonbini como miembro den directiva pa un periodo di tres aña (2013-2015).
Fin di aña pasa Sres. Oscar V. Britten y John G. Eman a termina nan periodo como miembro di KvK. KvK ta extende un biaha mas palabranan di aprecio y gratitud pa nan aporte na e trabao di KvK.

E presidente y vice-presidente, asisti pa e secretario/director ehecutivo, Sr. Leo Maduro, ta forma conhuntamente e directiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectoria sin interupcion den directiva di KvK, cu ta Sr. Robert E. Carrasquero.

Directiva di KvK ta conta di por continua na aña 2013 cu su trabao na bienestar di comercio y industria y di comunidad en general cu hopi energia y entusiasmo.


Aruba, 17 di januari 2013
Camara di Comercio y Industria (KvK)

 

By orbitalnets.com