Connect to Us LinkedIn Youtube RSS

07-2012 - KvK’s XIX Annual Business Dinner Meeting Aruba's future without the Refinary
  • PDF
  • Print
  • Email

Oranjestad – Falta solamente un siman pa Camara di Comercio (KvK) su proximo Annual Business Dinner Meeting. E gran evento aki lo tuma lugar e aña aki na Renaissance Convention Center ariba diabierna, 11 di Mei y lo cuminsa 6:30 pm cu un cocktail reception, y despues lo continua den e sala principal cu e programa oficial. E tema di e anochi aki lo ta “Aruba’s future without the refinery”, hustamente na e momento cu Aruba henter ta pendiente di e posible continuacion of cierre di e refineria, ambos cu consecuencia grandi pa nos pais. Un oportunidad unico pa ta presente y participa den e debate mas importante di aña tocante nos futuro economico, y e alternativanan cu esaki por brinda.

E programa lo ta uno completamente nobo compara cu otro añanan. Invitadonan lo ricibi un bonbini cu cocktail reception, unda musica di steel pan lo set un ambiente caluroso y ta forma un momento excelente pa network mientras ta gosa di un champaña y hors d’œuvres. Prome cu Su Excelencia Gobernador señor Fredys Refunjol yega, e MC lo pidi tur presente pa sigui pa e sala principal pa asina cuminsa cu e programa oficial.

Presidente di KvK sr. Jamal Mahawat Khan lo duna un presentacion tocante Aruba su economia, y despues nos panelistanan invita lo trece nan ideanan dilanti con Aruba por progresa sin e refineria. Oportunidadnan ta hopi, y publico presente tin e oportunidad pa participa den e discusion interesante aki. E panelistanan ta Sra. Audrey Croes-Laclé, Sr. Milton Berlinski & Sr. Harold Malmberg y cada uno lo ilumina e tema di un angulo diferente, segun nan experiencia profesional.

Seguidamente lo continua cu e cena, cu lo ta un tropical dinner buffet, acompaña pa background music, dunando oportunidad pa sigui papia tocante e futuro di Aruba. Pa 10’or di anochi e fiesta mes ta cuminsa, anima pa Tsunami te cu mei anochi.

No perde e anochi super interesante y importante aki. Entrada ta solamente Afl. 100 pa persona y ta inclui un welcome mimosa, hors d’œuvres, dinner buffet, tres bedida alcoholico, y fiesta cu Tsunami. Pa mas informacion tuma contacto cu KvK na tel. 582.1120 ext 34/41/29 of This e-mail address is being protected from spambots. You need JavaScript enabled to view it .

Aruba, 03 di mei 2012
Camara di Comercio y Industria (KvK)

 

By orbitalnets.com