Connect to Us LinkedIn Youtube RSS

01-2012 - Directiva di KvK pa 2012
  • PDF
  • Print
  • Email

Oranjestad – Ayera 4 di januari 2012 Camara di Comercio y Industria (KvK) a elegi un presidente y vice-presidente pa aña 2012. Sr. Mohamed J. (Jamal) Mahawat Khan a keda re-eligi como presidente y Sr. Robert E. Carrasquero a keda elegi como vice-presidente pa e demas miembronan di directiva.

Banda di e presidente y vice-presidente nobo, directiva di KvK ta conta cu Sres. Oscar V. Britten, Satish D. Daryanani, John G. Eman, Francisco L.M. de Mey, Omar F. Tromp, Donicio R. (Ricardo) Wever y e dama Lindsey T.M. Wever.
Recientemente Sres Satish D. Daryanani, Francisco L.M. de Mey y Robert E. Carrasquero a keda re-eligi pa un periodo nobo di tres aña (2012-2014) y a yama Sr. Omar F. Tromp y Sra. Lindsey T.M. Wever bonbini como miembro nobo den directiva.

Aña pasa Sra. Angelique M. de Vries y Sra. Sheila M. van Veen a termina nan periodo como miembro di KvK (intermedio). KvK ta extende un biaha mas palabranan di aprecio y gratitud pa nan aporte na e trabao di KvK.

E presidente y vice-presidente, asisti pa e secretario, Sr. Leo Maduro, ta forma conhuntamente e directiva diario di Camara di Comercio. Como presidente suplente, den caso di ausencia di tanto presidente como vice-presidente, a keda nombra segun stipulacion legal e persona di mas trayectoria sin interupcion den directiva di KvK, cu ta Sr. Satish D. Daryanani.

Directiva di KvK ta conta di por continua na aña 2012 cu su trabao na bienestar di comercio y industria y di comunidad en general cu hopi energia y entusiasmo.


Aruba, 5 di januari 2012
Camara di Comercio y Industria (KvK)

 

By orbitalnets.com