Connect to Us LinkedIn Youtube RSS

11-2017 - Camara di Comercio a tene un di dos reunion cu fraccion di MEP
  • PDF
  • Print
  • Email
Oranjestad – Despues di e reunion fructifero riba 14 di februari ultimo entre fraccion di MEP y Camara di Comercio (KvK), a keda acorda cu lo tene un reunion mas pa por sigui discuti riba e puntonan di agenda. Den e reunion anterior a elabora e.o. riba desaroyo y diversificacion economico, Caya Grandi y necesidadnan di e empresario. MEP a duna di conoce cu nan ta balora e aporte cu KvK ta trece dilanti pa e empresarionan. Pa e motibo aki tambe a pidi pa un reunion mas caminda por intercambia ideanan riba e desaroyonan actual di Aruba.
 
Durante e segundo reunion MEP a mustra interes pa scucha di KvK riba e desaroyo encuanto empresario hoben. KvK a indica cu e empresario hoben mester di guia y ayudo facilita door di gobierno. A trece ideanan con pa stimula e empresario cu kier cuminsa un negoshi y yuda cu e financiamento pa start up. KvK a trece dilanti puntonan cu por contribui na duna bida bek na Caya Grandi. Inversion a wordo haci pero no ta mira cu esakinan a duna resultado na e comercio den Caya Grandi. A discuti y intercambia ideanan y informacion cu MEP y KvK tin encuanto CITGO. A papia encuanto e topiconan ROP y ROPv y KvK a trece su opinion encuanto con pa formalisa esaki y pakico e tin su prioridad. KvK a sugeri varios ideanan cu por yuda facilita comercio di Aruba. Di financiamento te na e mundo cibernetico cu ta afecta e benta di e comerciantenan. 
 
MEP a tuma nota di e puntonan di KvK y a vocifera cu esakinan ta sigur puntonan importante cu nan lo tene cuenta cune pa nan plan strategico mirando cu eleccion ta na caminda. E reunion a termina den bon forma y tur hende a keda satisfecho.
 
 
Aruba, 8 di maart 2017
Camara di Comercio y Industria (KvK)
 

By orbitalnets.com