Connect to Us LinkedIn Youtube RSS

09-2017 - Camara di Comercio ta anuncia cu lo bai tene dos debate electoral
  • PDF
  • Print
  • Email
Oranjestad –  Na caminda pa eleccion 2017 september awo, Camara di Comercio y Industria di Aruba (KvK) lo organisa dos debate electoral caminda e lidernan di e diferente partidonan politico di Aruba ta invita pa discuti varios topico relevante pa un maneho gubernamental di Aruba pa e proximo gobernacion y añanan cu ta bin. E meta ta pa a base di un plataforma neutral brinda pueblo di Aruba e oportunidad pa por sigui di cerca e debatenan unda topiconan critico ta wordo debati. Mediante un debate e candidatonan y lidernan politico cu ta postulando nan mes pa eleccion por trece nan propuestanan y solucionnan encuanto e diferente problemanan, retonan y oportunidadnan cu tin pa Aruba.
 
E fecha di e debatenan lo ta 8 juni 2017 y 17 augustus 2017. Lo tene dos debate pa asina brinda e oportunidad  pa debati riba mas topico y tambe ofrece e oportunidad na e participantenan di e debate pa elabora riba tur e topiconan. E debatenan lo ser transmiti en bibo via Tele-Aruba. Durante e debatenan lo tin un moderador cu lo dirigi e preguntanan riba e diferente topiconan y brinda e oportunidad pa e lidernan of respectivo representantenan di e partido por debati. E topiconan ta basa riba asuntonan importante pa pueblo di Aruba en general cu merece e debido atencion. Nos por menciona topiconan encuanto e situacion economico, turismo, asuntonan social, finanzas publico y criminalidad cu lo ser treci den e debate.
 
E publico presente y e televidentenan na cas por haci pregunta por medio di un panel independiente, di cual e moderador lo haya e preguntanan adicional pa haci na e politiconan via internet.
 
Mas informacion encuanto localidad, prijs di entrada y orario lo wordo suministra den transcurso di e proximo simannan. Pa cualkier otro informacion y/of pregunta por tuma contacto cu KvK via 582-1566 ext. 27/30/35/42 of via e-mail: This e-mail address is being protected from spambots. You need JavaScript enabled to view it   
 
 
Aruba, 23 di februari 2017
Camara di Comercio y Industria (KvK)
 

By orbitalnets.com